“أشوفك على خير يا راجل يا طيب”.. رسالة مؤثرة من كوكا لوالده

وفاة والد كوكا| كتب أحمد نبيل كوكا لاعب النادي الأهلي عبر حسابه الرسمي على فيسبوك رسالة مؤثرة لوالده الذي توفى منذ أيام وسط صدمة كبير من اللاعب.

ونشر نجم الأهلي عبر حسابه:” اخر صورة لى ابويا ليلة الجمعة اليوم اتوفى في كان قاعد لوحدة برة بيتصور فى البيت كان عارف حبيب قلبى ان ده اخر يوم لى فى البيت ده عمرة ما كنان بيتصور لوحدة كده والله اتصور وساب الضحكة اللى فى الصورة دى علشان نشوفها ونتأكد ان رايح الجنة”.

وأضاف كوكا:”والله والله والله ابويا ودعنا واحنا بنغسلة بى نفس الضحكة اللى فى الصورة ، كان نفسى تشوف كمية الناس يا بابا اللى كانت موجودة علشان انا عارف انك عارف الناس بتحبك كل الناس بتدعيلك والله وزعلانه عليك ، ربنا يقدرنى يارب فى اللى جاى واقدر اعمل كل الحاجات الحلوه اللى كنت بتعملها والخير ومساعدة الناس اللى كنت بتعملها”.

واختتم كوكا قائلا:”جالنا يا حبيبى بشرة الصبح انك مبسوط عندك ونفسى نجيلك انا وامى واخواتى فى اسرع وقت ربنا يجمعنا بيك على خير يا بابا ، حلمك انا مكمل فى والله وكل حاجه كانت بتفرحك هتتعمل على اكمل وجه ، ربنا يرحمك ويغفر لك ويدخلك فسيح جناته والفردوس الاعلى من جناتة ، اشوفك على خير يا بابا سلام يا راجل يا طيب”.

وفاة والد كوكا 

توفى والد أحمد نبيل كوكا نجم وسط خط النادي الأهلي منذ قليل في صدمة كبيرة من قبل اللاعب.

ونشر عدد من الأقارب وفاة والد اللاعب خلال اللحظات الماضية.

ونشر أحمد نبيل كوكا عبر حسابه الرسمي موعد جنازة والده، والتي ستكون من مسجد محمد حافظ بالباستين في تمام العاشرة صباح يوم السبت الموافق 10-2-2024.